Dörd il bundan qabaq getdiyim yol.Hər gun ,hər ay,hər il həmin yoldan keçərkən bir az daha başqalaşırdım.Fikirlərim ,insanlara qarşı münasibətim dəyişirdi.Bu yolu getməmişdən qabaq insanlarda gözümə ağ və qara görünürdü .Yaxşılar və pislər.Sonra bu yoldan keçdikcə anladım ki ,insanlar daimi yaxşı ,daimi pis qala bilməzlər.Bütünlüklə yaxşı bütünlüklə pis insan yoxdur.
Hər dəfə bu yoldan qayıdan da başa düşürdüm ki ,arxada qoyduqlarım ilə eyniləşmirəm .Mən dəyişilirdim.Arxada qoyduqlarım isə eyni idilər .Dəyişilməz və sabit.Həyatlarından da məmnun görünürdülər,amma o cəmiyyətə düşdükcə anlayırdım ki ,onlar ilə ortaq nöqtələrimiz yoxdur.Onlar danışdıqca mən sakit qulaq asırdım.Bilirdim ki mən danışmağa başlasam dediklərim onlara mənasız görünəcəkdi.Ona görə susur,arada başım ilə dediklərini təsdiqləyirdim.Bax beləcə bu getdiyim yol məni dəyişdi.
Bu yola çıxmamışdan qabaq çox çəlimsiz ,sadəlövh idim diqqət çəkəcək yönlərim də yox idi.Bu illər ərzində isə dəyişdim.Özümə inamım artdı,əvvəl ki kimi deyildi.İnsanların diqqətini çəkir ,mənimlə dost olmaq istəyirdilər.
Getdiyim yol dəyişilməmişdi .Yolumdan döndərmək istəyənlərdə tapıldı.Onları dəf etməyi də öyrətdi bu yol.Bəzən öz yolumdan da çıxdım.Getdiyim yolun uğura apardığını düşünmədim.Onların izləri ilə getdim .Onlar isə cəsarətsiz ,əzik çıxdılar .Həmin yolda yarıda qaldım.Qayıtmaq öz yoluma isə əzabverici idi.Əzab da çəkirdim getdiyim yolda.Sonra başımı dik tutub inamla həmin yolu davam elədim.
Hər gün bu yol ilə gedərkən arzularım çoxalır,hədəflərim artırdı.Bu yoldan qayıdan da isə yenə eyni mənzərəni görüb hədəflərimin uzaq olduğunu düşünürdüm.
Həmin cəmiyyətin bir parçası da deyildim artıq.Öz dünyam ,öz əqidəm formalaşmışdı.
Çəsarətimin qırıldığı da oldu bu yolda.Həmin yoldan geri qayıtmaq isə çox çətin oldu bəzən.Bəzən tək qaldım,bəzən gülərək keçdim bu yolu.Hər gün ,Hər ayda dəyişildim.
Comments
Post a Comment