Yəqin ki, bir çoxlarınız 5 günlük iş həftəsinin tarixini bilirsiniz, əgər məlumatlı deyilsəniz bildirək ki, bu iş modeli 19-cu əsrdə zavodların birində tətbiq edilib. O dövr üçün yeni hesab edilən model işçilərə ideal görünürdü. İnsanlar səhər oyanır, işə gedir, işlərini icra edir və evə qayıdırdılar. Lakin texnoloji tərəqqinin inkişafı ilə ofis işlərinin sayında artım müşahidə edildi, amma bu dövrdə iş saatının çox olması heç də məhsuldarlığa işarə deyildi. 4 günlük iş həftəsinin tətbiqinin tərəfdarları hesab edirlər ki, müasir texnologiyanın inkişafında ciddi irəliləyiş müşahidə edilir, bu səbəbdən artıq zamanıdır ki, yeni dəyişiklik tətbiq edilsin. Məsələn, Microsoft Yaponiya bu modeli tətbiq edən şirkətlərin arasındadır və müşahidə ediblər ki, işçilərin məhsuldarlığı 40%-ə qədər artıb. Yeni Zelandiya, İsveç də bu modeli sınayıb. O cümlədən, bir sıra Britaniya şirkətləri də bu konsepti (işçilərin əmək haqqlarında heç bir dəyişiklik olmur-red.) sınaqdan keçiriblər və məhsuldarlığın modelin tətbiq edildiyi digər ölkələr kimi artacağına ümid edirlər. Bəs belə bir modelin, biznesiniz üçün nə qədər uğurlu olduğunu necə təyin etmək olar? Bu suala cavab vermək üçün ilk növbədə gəlin 4 günlük iş həftəsinin müsbət tərəflərindən danışaq.
Hər kəs üçün xərcləri azaldır
Yeni modelin tətbiq edilməsi o deməkdir ki, ofis ekstra bir gün ərzində bağlı qalır, bu isə kommunal, çay, kofe xərclərinə qənaət deməkdir. Bu təkcə, boss-a deyil, eləcə də işçilərin cibinə xeyirdir, aydındır ki, onlar da yol, nahar, əlavə şirniyyat xərclərinə qənaət edirlər. Konsepti bir müddət tətbiq etdikdən sonra, hər iki tərəf xərclərdə ciddi dəyişikliyin şahidi olacaqlar.
Xoşbəxt işçilər
Üç gün ərzində istirahət edən işçilərin ümumi xoşbəxtlik səviyyəsində artım müşahidə edilir. Heç kim üç gün istirahətə görə şikayət etməyəcək, əmin ola bilərsiniz. Həmçinin işçilərin şirkətə qarşı loyallığı artacaq ki, nəticədə bu hər iki tərəf üçün “win-win” (hər iki tərəf qazanclı çıxır-red.) deməkdir.
Daha az sağlamlıq problemləri
Mind-in araşdırmasına görə, hər 6 işçidən 1-ində iş həftəsinin gətirdiyi sağlamlıq problemləri müşahidə edilir. Amma daha çox istirahət vaxtı o deməkdir ki, ailəniz, yaxınlarınız, sevdikləriniz ilə daha çox zaman keçirirsiniz, yuxusuzluqdan əziyyət çəkirsinizsə yatırsınız, nəticədə məşğul iş həftəsindən sonra, yeni həftəyə daha gümrah başlayırsınız.
Məhsuldarlığı artırır
Qısa iş həftəsinin arxasında dayanan ana fikir budur ki, işçilər xoşbəxtdirlər, daha çox enerjilidirlər və iş yerində işə daha çox fokuslana bilirlər. Yeni Zelandiyanın “Perpetual Guardian” şirkəti qısa iş həftəsini sınaqdan keçirib. Belə nəticəyə gəlib ki, işçilərin 78%-i bu modeldən sonra iş-şəxsi həyat balansını effektiv şəkildə qura biliblər. Bu nəticələr modelin tətbiqindən öncəki rəqəmlər ilə qarşılaşdırılıb. Bu nəticə isə cəmi 54% olub.
İşçiləri işə alma və onları şirkətdə saxlamaq
Gen Z başqa adla millennial dövrdə işçilərə çevik iş modeli tətbiq etmək onları şirkətdə saxlamaq üçün ideal variantdır. Üç günlük həftə sonu isə işçiləri motivasiyada saxlayacaq, hətta növbəti iş həftəsinə keçid etmək üçün həvəsləndirəcək. Bu, həmçinin istedadlı işçiləri şirkət daxilində saxlamaq və onları əlaqədə tutmaq deməkdir.
Comments
Post a Comment