Şikayət etməklə qısa zamanda qəzəbimizi sovuduruq, ancaq uzunmüddətli dövr üçün isə bu insan sağlamlığına ziyan vurur. İnsanlar niyə şikayət edir sualına ən yaxşı cavabı “Hidden Brain” podkastında veriblər. Şikayət edənlər daha çox onlara dəstək verən insanları sevirlər.
“Bir dəfə evə gəldim və atama hazırda olduğum iş yeri ilə bağlı şikayət etməyə başladım. Atam mənə qulaq asdı və dedi, işdən çıxırsan? Mən isə yox dedim. O, isə cavabında dedi ki, əgər işdən çıxmaq ilə bağlı bir planın yoxdursa, o zaman şikayət etməkdən daha çox baş verən hadisələri analiz etməyə və həll etməyə çalış”.
Bu mənim üçün çox böyük dərs oldu. Zarafat edərək deyir ki, belə qərara gəldim ki, daha atamdan emosional dəstək almayacağam.:) Əlavə edir ki, başa düşdüm ki, bu iş mənə lazımdır və pul qazanmalıyam və ona görə də həll yolu tapmağa çalışdım.
“Bir dəfə isə bir menecerimiz ilə bağlı problemim var idi. İkimiz də bir-birimizə qarşı olan neqativ münasibəti büruzə verməsək də amma nəsə düz getmirdi. Yenə ətrafdakılara danışır və dəstək almağa çalışırdım və onlar da mənə əksinə dedilər ki, bəlkə də o da özünə görə haqlıdır. Amma ortada olan neqativ münasibəti həll etdikdən sonra bu mənim karyerama müsbət təsir etməklə yanaşı, gələcəkdə çox yaxşı dost və hətta biznes partnyor qazandım”.
“Hidden Brain” podkastında deyilir ki, baş verən neqativ hadisələr ilə bağlı olaraq üçüncü tərəflərə şikayət etmək həmin vəziyyəti yenidən və yenidən yaşamaq deməkdir. Ona görə də üstündən ötüb keçməkdə fayda var”.
Sonuncu halı özümdə də müşahidə etmişəm, neqativ hadisə baş verəndə onu üçüncü tərəflərə danışmıram, çünki bu mənə eyni situasiyanı yenidən və yenidən yaşamağa gətirib çıxarır ki, bu da mənim (bizim) mental sağlamlığımız üçün zərərlidir.
Həmçinin podkastda deyilir ki, şikayətin 2 növü vardır və biri nəticəyə fokuslansa da digəri sadəcə qəzəbi basdırmaq üçün şikayətdir. Əgər çox şikayət edən birisinizsə, buna həll yolu isə danışmağa başlamamışdan öncə bir neçə saniyə düşünmək və nəticələrini götür-qoy etmək lazımdır.
Comments
Post a Comment